خرید عینک آفتابی اصل فروش کارتن خالی اسباب کشی کرکره برقی آگهی رایگان بلیط هواپیما قیمت گوشی تعمیرات موبایل مشاوره تحصیلی مجله اینترنتی مگیتو
بستن تبلیغات [X]
مدونة عبدالله النعیماوی
مدونة عبدالله النعیماوی

«یا لیلة الهندس»


یا لیلة شته یا لیلة الهندس..

یالعمرچ سبگنی بلعمر قاطات..

گرطتی اشکثر حلوه اسنین .متموتین ؟؟

کلیتی امن الأمل ثلثین..

خلّصتی جمیع احلامی ابلارحمه یل ما ودچ اتخلصین..

یل کلّچ برد و اهموم..

ودی ابصرخه افز ملیت انا امن النوم..

ملیت البرد واهمومچ الچاالثلج لیَّ اهدوم..

ارید اسمه وسواد اسماچ مایسمح..

انا شوگی لْسِمه الأزرگ..

طیر اشواگی مل الگفص گام ایحوم..

عطشان وزلال الضحی الیروینی مرید المای..

یا لیلة الهندس یلی ظلمه اهوای‌‌..

یل کلش قسیتی اویای..

ریح الفاح من الیاس ابکل کتر ابظلامچ دار..

روایح صبح دارت والظلام احتار..

یا لیلة الهندس ویلچ امن الثار.

احس مخطوف لونچ صار..

هم مثلی دریتی للصبح جیه؟

دریتی الفجر فز بیَّ؟

احس باچر گرب لیَّ

واکید ابچفه جایبلی دفو واسنین کلهه انهار...


ک: عبدالله النعیماوی




برچسب ها :
تعداد بازدیدها : 112 ،
2015-07-05

ﻻﺗﻌﻮﻑ

ﺍﻧﺖ ﻧﺺ ﺍﻟﻬﻢ ﻣﺸﻴﺘﻪ ... ﻳﻠﮕﻠﺖ ﻣﺎﺑﯿﻪ ﺍﮐﻤﻞ ..

ﻫﺬﺍ ﺣﻤﻠﻚ ﻻﯾﻬﻤﻚ

ﺣﻤﻠﻚ ﺍﭼﺘﺎﻓﺎﺗﻨﻪ ﺍﺗﺸﯿﻠﻪ ﺳﻮﻩ .

ﻻﯾﻐﺮّﻙ ﺿﻮﻩ ﺍﻟﺒﺎﻗﻲ ﻣﻦ ﺍﻣﺲ

ﺿﻮﻩ ﺍﺳﺮﺍﯼ ﺍﻫﻨﺎﻙ ﻋﻔﺘﻪ ﻭﺭﺍﺡ ﯾﻤﻮﺕ ..

ﻣﺎﯾﻀﻮّﻱ ﺍﺣﻼﻣﻚ ﺍﻟﮑﻠﺶ ﭼﺒﯿﺮﻩ ..

ﺍﻧﺖ ﻋﻮﺯﻙ ﺷﻤﺲ ﺗﻔﺮﺷﻠﻚ ﺿﺤﺎﻫﺎ

ﺍﻧﺖ ﺷﯿﻔﯿﺪﻙ ﻧﻬﺮ ..

ﺍﻧﺖ ﻋﻮﺯﻙ ﺑﺤﺮ ﻭﺍﻣﻮﺍﺝ ﻭﺳﻔﯿﻨﻪ .

ﺗﺒﺤﺮ ﺍﺑﺤﻮﺭ ﺍﻻﺣﻼﻡ .. ﻭﻟﻤﻨﻴﺎﺗﻚ ﺗﺮﻓﻊ ﺍﺷﺮﺍﻉ ﺍﻟﻴﻤﺪﻙ

ﻟﻠﺴﻤﻪ ..

ﻻﻳﻬﻤﻚ ﻣﻮﻱ ﻫﺎﻳﺞ

ﻫﺬﺍ ﺩﺭﺏ ﺍﻭﻟﻮ ﻋﺴﯿﺮ

ﻻﯾﺨﻮﻓﻚ ..

ﻻﺗﻌﻮﻑ ..

ﻣﻮﺗﻮﺍﻋﺪﻧﻪ ﻧﮑﻤﻞ ﻫﻠﻤﺴﯿﺮ ..

ﻻﺗﺨﻠﯿﻨﻲ ﻭﺣﯿﺪ ..

ﻣﻮ ﺿﻮﻩ ﺍﻋﯿﻮﻧﻲ ﺍﻧﺖ ﻭﺗﻨﻮﺭ ﻃﺮﯾﻘﻲ ..

ﭼﻦ ﻋﻤﻪ ﺍﺑﻠﻴﺎﻙ ﻣﺎﺍﮔﺪﺭ ﺍﺷﻮﻑ ..

ﻣﻮﺗﻮﺍﻋﺪﻧﻪ نظل ﻟﻠﺘﺎﻟﻲ ﺳﻮﻩ ..

ﺧﻞ ﺗﻼﻣﺲ ﺍﯾﺪﻱ ﺍﯾﺪﻙ ..

ﺍﻧﺖ ﺑﺲ ﺍﻧﻄﯿﻨﻲ ﺍﯾﺪﻙ ...

ﻟﯿﺶ ﺍﯾّﺴﺖ ﻭﮔﻠﺒﻨﻪ ﺑﻌﺪﻩ ﯾﻨﺒﺾ ..

ﺍﺣﻨﻪ ﻣﻮﻧﺎﻭﯾﻦ ﻧِﺨْﻠَﺺ ..

ﺍﺣﻨﻪ ﺳﺎﻟﻮﻓﻪ ﺟﺪﯾﺪﻩ ..

ﺗﻮّﻩ ﯾﻠّﺎ ﺍﺣﻨﻪ ﺍﺑﺘﺪﯾﻨﻪ ..

ﺧﻞ ﻧﻌﯿﺶ ..

ﺍﻟﺪﻧﯿﻪ ﺣﻠﻮﻩ ..

ﺍﻟﺪﻧﯿﻪ ﻣﺎﻃﻮﻝ ﺍﺑﺤﻀﻦ ﻧﺨﻠﻪ ﯾﻐﻨﻲ ﺍﻟﺒﻠﺒﻞ

ﺍﺑﺄﻧﻐﺎﻡ،ﺣﻠﻮﻩ ...

ﺩﻧﯿﻪ ﺑﯿﻬﻪ ﺍﻟﯿﺎﺳﻤﯿﻦ؛

ﺩﻧﯿﻪ ﺑﯿﻬﻪ ﺍﻟﺠﻮﺭﻱ ﻭﯾّﻪ ﺍﻟﯿﺎﺱ ﺣﻠﻮﻩ ...

ﻋﻄﺮ ﻭﺭﺩ ﺍﻟﯿﺎﺱ ﺣﺪ ﺍﻫﻨﺎ ﯾﻔﻮﺡ ..

ﺍﻛﺴﺮ ﺍﻣﺮﺍﻳﺔ ﺍﻟﻤﺎﺿﻲ ﻭﺍﮔﻌﺪ ﺍﺷﺘﻢ ﺑﻠﻬﻮﺍ ..

ﺍﻧﺖ ﺑﺲ ﺍﻧﻬﺾ ..ﺍﻧﺖ ﺑﺲ ﺍﻧﻄﯿﻨﯽ ﺍﯾﺪﻙ ..

ﻭﺍﻧﺎ ﺭﺍﺡ ﺍﻧﻄﯿﻚ ﮐﻞ ﻏﺎﻟﻲ ﻭﻧﻔﯿﺲ ..

ﺧﻠﻲ ﻧﻤﺸﻲ ﻫﻠﺪﺭﺏ ..

ﺻﺢ ﺗﺴﺤﻨﻪ ﺍﺑﮑﻞ ﻗﺴﺎﻭﻩ ﻟﻠﻮﺭﻯ ﺟﺮﺕ ﺍﻟﺜﺒﺮ ..

ﺻﺢ ﺩﺭب حبنه ﻭﻋﺮ ..

ﺻﺢ ﺩﺭﺑﻨﻪ ﺍﺑﻮﺳﻂ ﺻﺤﺮﺍ ﻭﺣﻨﻪ ﻋﻄﺸﺎﻧﯿﻦ ﻋﻠﺤﺐ

ﻭﺍﻟﻌﺸﮓ ..

ﻭﺣﻨﻪ ﮐﺎﺗﻠﻨﻪ الظمه..

ﺧﻠﻲ ﻧﻤﺸﻲ ..

ﺧﻞ ﺗﺨﻠﺺ ﺍﻟﺼﺤﺮﺍ ﻫﺎﻱ ..

ﻻﺗﺄﯾﺲ .. ﺍﻧﺖ ﺑﺲ ﺍﻧﻄﯿﻨﻲ ﺍﯾﺪﻙ ..

ﻣﻦ ﺑﻌﺪ ﻫﻞ ﺗﻠّﻪ ﻣﺎﻱ ...

.

ﻙ : ﻋﺒﺪﺍﻟﻠﻪ ﺍﻟﻨﻌﻴﻤﺎﻭﻱ




برچسب ها :
تعداد بازدیدها : 106 ،

چنت نایم ..

نوبه فززنی علی صوته المطر ..

او فزز اویا شاعریتی..

خذت قلمی..وجبت دفتر ذکریاتی‌ واغسلت بلمطر نیتی..

وارسمت ایام الطفوله وارسمت درب المدرسه..

والمعلم چان یتانی الوعده یسئل بلمدرسه..

وحنه نمشی بلمطر همنه و فکرنه انشرّع اشراع المظلّه بلهفه محد گاری درسه..

وارسمت شارعنه وبطینه وگبل تبلیطه وبمای المطر..

وریحة الطین الی چانت للسمه تشهگ شهگ..

و سدرة الجیران چانت من یغازلها الهوا تنثر ثمرها.. وغبشه اروحن منهه الم لهفه ونبگ..

وارسمت شطنه الی طافح چان زوده ..

الماقبل حد یرسموله ..

الماقبل دایم حدر یبقی وطفح کسر حدوده..

وارسمت حالوب تمطر..

وارسمت حالوب یعزف..

ایغنی بلحان وبعدهو ماهو لافیه الکبر..

الله یذکر مدرستنه..او ریحة الطین اوعجدنه..

وسدرة الجیران او شطنه.. الله یذکر نای حالوب ومطبگه..

الله یذکر ذکریاتی ورگه ورگه..

چنت نایم..

امل واحلام الطفوله چنت حدر الجفن خافی.

المطر ینزل رعد یرعد برق یلمع برق طافی..

هیچی نص اللیل یمکن بلثلاثه..

المطر فززنی اعله صوته وفزز اویا حلم غافی..


ک: عبدالله النعیماوی




برچسب ها :
تعداد بازدیدها : 105 ،

«ذیچ الصفحه باچر»


تصاویر جدید زیباسازی وبلاگ , سایت پیچک » بخش تصاویر زیباسازی » سری دوم www.pichak.net کلیک کنید


قلم مرمی ابصفحه..

و ابصفحه الحبر..

وعلی الگاع اوراگ متطشّره..

ومگلوبه ابألم فوگ و حدر..

بعض هل اوراگ بیض ..

منهن البیهن سوالف ..منهن البیهن شعر..

وامشخبطات البعض منهن..

ابدار مغلوگه النوافذ بیها‌..وامگفّله ابهاذی الدار بیبان الأمل..

اهناک قیثارة اعلی صفحه وحتی مابیها وتر..

ابکتر متبعثره احلام وعود مگطوف ابکتر..

اهناک مکتوبه قصیده وناگعه ابمای الدموع..

وبعد ناگصها شطر..

وانت نایم ..

تبحث ابنومک علی ذرّة حلم..

وناسی الحان القصیدة وتارک ابصفحه القلم..

واظن حالی النوم وماتقبل تنط..

ماترید تفیق وتدری ابطعم های الدنیه سم..

والأمل لو ما نوافذ منهن یمد روحه،ألم..

فیق یلنومک سراب..

گوم بمفاتیح حب رش گفل بابک‌‌..

واحصد من الباب نسمات و ضوه..

الغفله‌ لاتسگیها نوم..

الغفله حاصلها ندم‌‌..

گوم قلمک یحن لیدک..

گوم وارجع للقصیده الی عفتها..

حن علیها وزیدها إبآخر شطر..

زیدها افراح و امانی مو چلم..

وخلی الحان القصیده اتصیر خطوات الجدم..

و شد وتر قیثارة الحب.. وعزف ابشان الصبح اجمل نغم..

وإلهم الیله لهم ..

ولَوَن های الصفحه لیل‌..

وکلها ظلمه وکلها هم ..

ولون ذیچ الصفحه باچر..

لٱمنیاتک اگلف الروحک بلم...



ک: عبدالله النعیماوی




برچسب ها :
تعداد بازدیدها : 112 ،
2015-07-05

«آخر أمل»


ابلیله ظلمه وبارده ابمک الشته..

لیله هندس موحشه ابلایه ضوه‌‌..

والعواصف کسّرن بیبان خلگی وکسّرن باب الهوی..

وتمطر اغیوم التعیسه احزان تمطر..

مالی مأوی وسگف بیت احلامی ماغطّانی چان اممزّگ ایخر..

تایه اببحر المصایب.. والأمواج الهایجه تُغْلگ نوافذ صبر بیَّ وزورق آمالی امکسّر.‌.

وببحر کلش غمیج..

وببحر مابیه ساحل حرت یاصوب آنه اروح ..

والهموم اتنبّع اهموم ابغزاره ابکل مکان وبیَّ فز طوفان نوح..

ولو مااگدر افوی او سیف دهری اچتافی طابر‌.‌.

لیش اموت..

لیش اغرگ وانا دین العشگ دینی ومانی کافر..

غمّضیت الجفن لحظة..

لحظه شمیت الحیاة..

وفتّحتهه العین صوب آخر امل..

ماشفت لالیل لاهم لامطر ..

لاعواصف لابلم مزروف لا موی وبحر..

شفتک انت.. انت یل کلّک صحو..



ک: عبدالله النعیماوی




برچسب ها :
تعداد بازدیدها : 109 ،

"انا و انت"


من رأیتک..

من شفتنی..

اتکوّن ابلحظه العشگ وانعجن طینه..

بنظره وحده الحب وعا وکتّر غباره وگعد بینه..

اتشابگن عینی ویه عینک..

گبل ماتنمد وتتلامس ایدینه..

والشفاه اتعاین ابلهفه البعضها..

وحتى چلمه ماحچینه..

اعیوننه ابکامل سوالفهن تکلمن..

او وقّعن عل گلب حاکم..

وشرّعن للگلب دین العشگ دینه..

وحنه واهس وصل بینه..

کفراشات اعله ورگ الورد بیت الحب بنینه..

وعفنه مجراة الزمان..

وعفنه دستور الوکت والدهر عفنه..

وحچی الدنیه ماخذینه..

ومادرینه الدهر یغضب مادرینه..

الوکت غاظتّه الأمور..

وغضب یوم العکس دستوره مشینه..

والزمان الّی ابثوانی من إطاره اتجردینه..

وغارت الدنیه علینه وحیل حقدت..

موترکناها وبعضنه احنه هوینه..

والدهر ینتقم حالف مایعدّیها علینه..

الدهر خلّه الهجر قسمه..

الدهر من غصباً بعدنه..

الدهر خله البعد باب، اوگفّل الباب ابقساوه..

وخلّه کلواحد نویّه وحیل هدنه..

الوکت یابانه وخذانه وبعّدانه..

وسدها بیبان الوصل کلهه علینه..

وراد غیر الّی احنه ردنه..

والزمن من زمن صحبتنه و وصلنه جعل ماضی..

وجارت الدنیه علینه وحطّمت کل حلم عدنه..

کلها کلها صفت ضدنه..

وحنه نتنفّس بعضنه..

وحنه نشتم حب بعدنه..

ومارضینه بلّی رادو، ردنه بس الّی احنه ردنه..

گلب واحد چیف ایرید الدهر لو یفرد گلبنه..

احنه یم حبنه سجد حب قیس لیلى و قیس لبنى..

اشلون نقبل بلهجر و الغربه و الهم وحنه رب العشگ ربنه..

احنه من الهجر تبنه..

وچل نسیم اخفاف صرنه..

مثل ریح، الشوگ هبنه..

وعلى باب اول محطة عشگ ذبنه..

ومن تلاگینه ابدربنه.،

خرت البیبان، سجدت صوب حبنه...

**


ک: عبدالله النعیماوی




برچسب ها :
تعداد بازدیدها : 106 ،

جرح ماظل علی یعتب والمّا..

بقى الما دهری عبّا لی ولمّا..

بأمل باچر عشت لیلی ولمّا..

ضحک لی الفجر بسمت لی المنیه..


عبدالله النعیماوی




برچسب ها :
تعداد بازدیدها : 107 ،

"عطر الشوگ"


یا شوگی..

المثل شمعه..

تچارب هندس اهمومی..

و تضوّی بدربی وتعلگه..

ومثل ورده ...

ابعطر ورده...

تفوح اویه النسیم اتطیر وتشبگه..

بخلگ ورگه...

تطیر اویه الهوا وتسمه..

تطیر اویه الهوا و هوَّ..

یطیر اویاک من اتفوح..

اوبین احضانه من اتدور..

تلبسه اثیاب من اعطور..

وتظل تسمه..

وتحط علغیم تحچیله ..

عن النعناع و عن الیاس..

وتغنیله ابأغانی الشوگ..

ومن تحچی..

یحن للگاع..

والبستان..

والبرحی..

ویظل یبچی..

وترد اویالمطر للگاع..

وتنزل شوگ..

علی اربوع الفلاحیة..

وتمر من یم لیالیها.. وقصایدها..

وتمر علهور والمشحوف..

وتهب نسمات عل فلّاح.. وبیت الطین..

وعلی الیراحی من تنزل..

تدور ابراسه سالوفات..

من الزود ..

من المای ..

وسالوفة بلم والروی..

وتگعد یم جسر حالوب..

وتعزفله ..

وتذکره النای والمطبگ..

وتغنیله ابأغانی الشوگ..

وتحچیله ..

قصص حب قیس وی لیلىٰ..

وقصص حب قیس وی لبنىٰ..

وقصاید من عشگ "عادل"..

وتحط یم ملا فاضل طیر ..

وتجی لتراب گبره ابشوگ..

وتگراله..

على روحه..

ابوذیات..

وتگراله..

"احبچ یا فلاحیتی"..

وخفیف اتصیر ..چالعاشگ ..

ترد تسمه..

وتظل تصعد..

وتوصل فوگ یم الله ..

وتسولفله وتگلّه الگاع، ماتنباع، ماتنعاف ..

یبسّم لک..

وترد اتگلّه لو هلگاع لو یمّک..



ک: عبدالله النعیماوی




برچسب ها :
تعداد بازدیدها : 106 ،

«باچر البس احلامی»



های اسنین..


ادوّر روحی یم امسی..


لچن ماطیح بعلومی..


های اسنین..


ماهی ارسوم الأول باقیه ارسومی..


های اسنین..


ماظایگ حضن دافی..


ولا شارب یُغُم راحه..


ینزف شوگ، جرحی اسنین..


لچن بیَّ الأمل مامات، وجرحی الألم ماباحه..


اشما گالت تعبت الروح، گلتلها ابعزم گومی..


یحل ا‌لعید لو باچر یهل، گومی..


باچر راح اتم صبری..


وکسر حاجز الملعون..

الخانگ چان بلعومی..


وراح‌اصرخ:


انا سطح السمه بیتی..


و خِفَّة گلبی خِفَّة طیر..


باچر راح اهد طیری،

یلم امن السمه انیومی..


باچر ترد آمالی تجی تندهنی من نومی..


و یرد امسی وطفل یِرْجَع کبر یومی..


باچر یفک حزنی العید وآکل من ثمر صومی..


باچر انزع اهمومی..


باچر البس احلامی ..

وتصیر مْلوّنه اهدومی...



ک: عبدالله النعیماوی




برچسب ها :
تعداد بازدیدها : 104 ،

«لیش ساکت»



من لبس صبحی الظلام..


ویوم بیَّ الأمل مات..


وصار بس لیل الزمن..


ردّن احلامی الّی طارن صوب باچر ..


نص دربهن ردّن ابگلبی وغفن..


وطیر فکری ابکتر من احزانی چن..


لا تسل عن عزمی وین..


وانا حیل اول نسانی..


وشاب عزمی..


وانا بلعشرین من عمری وحنن ظهری المحن..


لاتلوم اجروحی ماباحن بالمهن ماشچن..


لاتگلّی لیش ساکت..


لاتگلّی ،خرس انتَ..


وانا ذاک الچنت اغنی للصبح اجمل أغانی..


واعزف آمالی لحن..


انا خلّسنی مرار الحگ، ولکن مو خرس..


لاتگلی لیش ساکت..


عندی کود سوالف الماینحچن...



ک: عبدالله النعیماوی




برچسب ها :
تعداد بازدیدها : 114 ،






آمار وبلاگ
  • کل بازدید : 2490
  • بازدید امروز :2
  • بازدید دیروز : 2
  • بازدید این هفته : 60
  • بازدید این ماه : 120
  • تعداد نظرات : 1
  • تعداد کل پست ها : 10
  • افراد آنلاین : 1
امکانات جانبی
بالای صفحه